Shillong, Jylliew 14 (UNI)
U Myntri Rangbah, u Conrad K Sangma, ha ka Sngi Thohdieng u la ong ba ka sorkar jylla kan pynlut `5,000 klur ha ki kam jngohkai pyrthei bad kane kan ïalam sha ka jingthaw ïa 50,000 tylli ki kam ki jam.
Nalorkata, u la ong ba ka jingbei tyngka kaba `1,500 klur ha ka Information Techno-logy, ka sorkar ka thmu ban thaw 20,000 tylli ki kam ki jam na ka bynta ki samla.
Ïa kitei, u Conrad u la kren ha ka 5th Convocation jong ka ICFAI University kaba la long mynta ka sngi.
“Ka India ka dei ka ri kaba kiew sted ha ka liang ka ïoh ka kot bad ki skulbah bad ki shlem ai jinghikai ki dei ki paralok kiba ïatreilang ban saiñdur ïa ki samla ba kin don bynta ha ka ïoh ka kot da kaba shim kabu ïa ki lad ki lynti kiba plie,” u la ong.
U Myntri Rangbah u la ong ba ki samla ki don ka bynta ka bakhraw ha ka jingkiew ka ïoh ka kot ha Meghalaya, bad u la kren shibun halor ki prokram jong ka sorkar jylla ha ka liang ki kam jngohkai pyrthei, Information Technology bad kiwei pat kiba ki samla ki don ka bynta.
