Shillong, Jylliew 16
Ka ïing ka sem jong i Kong Aitilincy Lyngdoh Peiñlang ha ka shnong Mar-kasa ka la lait thaw na ka jingmynsaw bad jingma hadien ba ka jingtwa khyndew ka la pynjulor ïa ka ïing ka sem jong i ha ka step Sngi U Blei.
Katkum ka khubor ba la ïohlum, la ïathuh ba hynne ka step ha ka por kumba 5 baje, ka khyndew ka la twa bad pynjulor ïa ka kamram shet ja jong ka ïing ka sem i Kong Aitilincy. La ong ruh ba kane ka la jia ha ka por ba ki dkhot jong katei ka longïing longsem ki dang ïa ïohthiah baroh. Hynrei ha katei ka jingjia, ym shym la don satia kiba mynsaw.
Ka jingtwa khyndew ka long hadien ka jinghap jong u slap bajur naduh ka miet jong ka Sngi Saitjaiñ bad kaba la bteng haduh hynne ka step (Sngi U Blei).
