Shillong, Jylliew 16
Kum ka dak ban kynmaw ieid ïa ka sngi dap 12 snem ka jingkhlad bad ka jingnoh synñiang jong u Ma Kambel Shullai uba la ai ka jingshakri ba paka ïa ki paidbah, ka Seiñ Raij Ñiamtre, Shillong ha ka Sngi U Blei ka 16 tarik u Jylliew ka la ïoh ban plie paidbah ïa u Mot sah nam jong u Ma Kambel Shullai ha ka jaka thang jong ka Seiñ Raij Ñiamtre Shillong kaba don ha Jaïaw Mihngi.
Lyngba ki jingmut jingpyrkhat kiba tbit kiba u don bad ki jingshakri ba u la ai, u Ma Kambel Shullai u la ïoh ïa ka nam jop ha ka Natioank Grassroots Technological Innovations and Traditional Knowledge Award ha u snem 2005 na ka National Innovation Foundation, India bad u la ïoh ruh ïa ka Silver Award ha u snem 2008.
Ha katei ka sngi u Kongsan u dei u Myntri ka sorkar jylla, u Bah Alexander Laloo Hek ha ka jingdon ryngkat lang u President ka Seiñ Raij Ñiamtre, Shillong, u Ma Joining Pde, u General Secretary, Dr. Omarlin Kyndiah, ki nongshah khot sngewbha nalor kiwei-kiwei.
