Shillong, Jylliew:
Katkum ka kaiphod ka Ormax ba la leh lyngba ka jingwad bniah ha India ka don haduh 678 Million ngut ki briew kiba ïeid ban peit Sport, bad ki jait jingïalehkai kiba ha khmat eh kiba ki briew ki smat ba peit ki kynthup ïa ka Cricket bad Football ha kaba kiba peit ïa ka Cricket ki don 612 Million bad kiba peit ïa ka Football ki don 305 Million. Ban pynbiang ïa ka jingkwah jong ki nongpeit ba kin ïoh peit ïa kine ki jingïalehkai ha ka Digital, ka Vi, kaba long ka lad ai jingshakri ha ka liang ka Telecom, ka la pynsuk ïa kiba ki lah ban wad bad ban peit ïa ki jingïalehkai Sport.
Ha kane ka aïom, ki nongpyndonkam ïa ka Vi ki lah ban peit ïa baroh ki jingïalehkai T20 Cricket kaba long ka lympung baheh tam ha ka pyrthei ha Disney+ Hotstar, ki lah ruh ban peit ïa ka UEFA Euro 2024, bad Copa America, da kaba ki leh Subscription ïa ka plan ha ka Vi Movies & TV App. Ban kham pynbha shuh shuh ïa ka jingpeitkai jong ki, ka Vi ka wanrah ruh sha ki nongpyndonkam ïa ka lad ba kin Stream ïa kine ki jingïalehkai ha ka TV, khang ba ka jingpeitkai jong ki kan long kaba biang bha. Ka Vi ka la wanrah ïa ki Subscription kiba kyrpang na ka bynta baroh kito kiba ïeid ïa ka jingïalehkai Cricket bad Football, da kaba pynsuk ba kin ïoh ïa ka Disney+ Hotstar bad Sony LIV. Tang ha ka dor 169 tyngka, ki nongpyndonkam ki lah da kaba suk ban ïoh ïa ka Subscription ba lai bnai bad ïoh 8GB ka data na ka bynta 30 sngi.
Ka Vi post-paid ka wanrah ïa ka jingtyrwa na ka bynta ar tylli ki Data add-on pack sha kito kiba ïeid ïa ka jingïalehkai Cricket bad Football. Ha ka dor 499, ki nongpyndonkam ki lah ban ïoh ïa ka Disney+ Hotstar Mobile Subscription na ka bynta 1 snem bad 20GB ka data. Na ka bynta 100 tyngka shi bani, ki nongpyndonkam ki lah ban ïoh ïa ka UEFA Euro 2024 ha ka TV/Mobile Phone.
