Shillong, Jylliew 18
Uwei u rangbah ïa uba la tip kyrteng u Bah Biangkupar Lyngdoh kumba 45 snem ka rta eiei, u la lait na ka jingshah ban khyndew kaba la twa kynsan-kynsan bad ban ïa ka ïing kaba la jia ha ka por 2:00 baje mynstep jong ka 18 tarik jylliew 2024 ha shnong Pyndensohsaw, Mawsynram Block East Khasi Hills.
Kaba phylla kane ka jingjia namar lai ngut ki khun, ka kurim ki dang wan kai sha shnong namar ba ïoh shuti skul ki khun bad ki la leit phai sha Nongstoiñ ha ka 17 tarik jylliew.
U Bah Biangkupar u la ïathuh ruh, ba kam shem la don kano kano ka jingmynsaw namar ka lok ki khun ki kti kim shem don sha shnong hynrei u thiah marwei, katba ki jingdon jingem baroh ha katei ka iing ka la julor lut bad ka iing ka la dap satang ka khyndew,ki maw, ki dieng bad kam long shuh wat tang ban sah briew ruh.
Shuh shuh u la ïathuh ba lada jia ba u dang ïohthiah khlem ïohsngew ne kyndit na ka jingtwa katei ka khyndew ka lah ban shah ban lang ïa u ruh.
U la ïathuh ba ki khun lai ngut, ka lok bad ka kmie jong u haba ki wanphai sha Pyndensohsaw namar ba ki dang ïoh shuti haba ki leit skul ha Nongstoiñ hynrei haba ki la leit phai sha Nongstoiñ ha ka 17 tarik mynta u bnai bad ha ka por mynmiet la ther u slap khlem sangeh bad ban ka khyndew ka ïingsah.
Lada ki khun, ka lok bad imei lada ki dang sah ha ka ïing, ngam tip aiu shuh kan jia, hynrei nga ainguh ïa u Blei uba la pyllait im ïa nga namar nga la ïoh ban mih na kawei ka thliew na ka jingpait ka kynroh” u la ong.
U la ïathuh ba mar shu shah ban ka ïing u la leit pyntip sha kiba ïing bad sah shipor ha ïing jong u Kynum.
Ha kawei ka khubor ha kane hi ka sngi ki kali kiba wan na Balat, Ranikor ki la sahkut ha Ladbakli bad kiba wan na Shillong, Mawsynram ki la sahkut ha Riatmawniuh namar ka jingban ka khyndew ka ki surok man ki jaka.
