Mawkyrwat, Jylliew 21
Ka jingpynslem jong ka District Selection Committee (DSC) ban pynmih ïa ka risol jong ki eksamin bapher-bapher kaba ki samla wad-kam wad-jam ki la dep ban thoh ïa ki eksam naduh u snem 2019 ka la pynbitar ïa ar tylli ki seng kata ka HYC bad HITO.
Kum ka dak ka jingpyrshah ïa katei ka jingpynslem ban pynmih ïa ka risol, ka HYC Mawkyrwat Circel bad HITO Mawkyrwat Circle ha ka 21 tarik u Jylliew 2024, ki la pynlong ïa ka jingshong kyllaiñ mungor ha lad shlem treikam DC Mawkyrwat, SWKHD.
Ha kane ka sngi, ki nongïalam jong baroh artylli ki seng ki la dawa jur ïa u DC uba dei ruh u Chairman jong ka DSC ka SWKHD ba u dei ban pynmih noh kloi ïa ka risol kaba DSC kaba la wanrah umdum bad jingeh ïa ki samla wad-kam wad-jam .
Kine ki nongïalam jong ki artylli ki seng ki la byrngem ruh ba lada ka jingdawa jong ki kam seisoh kin sa shim sa da kawei ka sienjam ban shong shah thngan syndon k ha phyllaw jong u DC khlem buh por.
Ha kajuh ka por, ki kyntu ruh ïa ki samla wad-kam wad-jam ba ki dei ban mih khmat ban ïashim bynta lang lada ki seng ki pynlong ïa kino-kino ki jingiakhih na ka bynta ki samla.
