Shillong, Jylliew 23
Ka National Testing Agency (NTA) ka la pynlong biang ïa ka eksamin National Eligibility cum Instance Test (NEET) Under Graduate ha kaba 813 ngut ki la thoh eksamin biang na ki 1,563 ngut.
Ka NTA ka la pynlong biang ïa kane ka eksamin tang na ka bynta ki 1,563 ngut hadien ba la pyndam noh ïa ka jingai ‘marks’ ei na ka bynta kito kiba la poi slem sha ka jaka thoh eksamin.
Na ki 813 ngut kiba wan thoh eksamin NEET biang, 234 ngut ki dei kiba leit thoh ïa ka eksamin ha Don Bosco Tura na ki 468 ngut kiba dang dei ban thoh eksamin. Hynrei 230 ngut ki khlem wan thoh shuh.
Ka jingpynbna ïa ka result kan long ha ka 30 tarik mynta u bnai.
