Phah tohkit ka Sorkar halor ka jingkynnoh tih dewïong beaiñ ha South West Khasi Hills

Ïa u Deputy Commi-ssioner yn sa ïarap lang da u Superintendent of Police (SP) jong ka South West Khasi Hills District ha kane ka jingtohkit.

Shillong, Jylliew 23

Ka Sorkar Jylla ka la phah tohkit halor ka jingkynnoh ba don ka jingtih dewïong beaiñ ha thaiñ South West Khasi Hills district bad ïa kane ka la bthah lyngba ka tnat kaba peit ïa ki mar poh khyndew.

Ha ka hukum kaba la pynmih da u Secretary ka tnat mar poh khyndew la ong ba la dep bthah ïa u Deputy Commissioner ka East Khasi Hills ban pynlong ka jingtohkit halor ka jingkynnoh tih dewïong beaiñ ha ka thaiñ kaba hap hapoh Thanat Nonghyllam.

La bthah ïa u DC ban phah ïa ka kaiphod kaba bniah hapoh hynñiew sngi na ka bynta ban phah pateng pat sha ka Committee jong u Justice BP Katakey.

Ïa u Deputy Commi-ssioner yn sa ïarap lang da u Superintendent of Police (SP) jong ka South West Khasi Hills District ha kane ka jingtohkit.

La bthah ruh ba dei ban leh eiei pyrshah ïa kiba donkti katkum ki kyndon ka MMDR Act, 1957 lada ka jingkynnoh ka dei kaba shisha.