
Jowai, Jylliew 23
Kumba ki sngi ki taïew jong ka shad Niam Behdienkhlam hapoh ka Raij Jwai ka la jan, kumta ruh ki khun ka Loomkyrwiang Dorbar shnong ha ka 22 tarik Jylliew ki la mih paidbah ban pynkhuid ïa ka sh-nong ka thaw ne ‘Beh-dienkhlam Cleaning Drive’.
Ha kane ka sngi la sakhi ba ki nongshong shnong ka Loomkyr-wiang naduh ki trai shnong haduh kiba sah ïingwai ki la mih ryntih ban ïashim bynta ban prat ban wer bad pynkhuid pynsuba ïa ki lynti syngkien, jaka umbam umdih ba don hapoh u pud u sam jong ka shnong.
Ka Hei-ioo-mitre Pakma, Secretary i Khooid I Jngair, Loomkyrwiang Dorbar Chnong ka la pynpaw ka jingsngewnguh ïa baroh kiba shim bynta bad ha kajuh ka por ka la kyntu ïa ki nongshong shnong ka Loomkyrwiang ban ïatreilang ban pynneh-pynsah ïa ka jingkhuid jingsuba ka shnong ka thaw ym tang ha ka sngi Behdeinkhlam ne ki Soo sngi Le Ïaw hynrei ruh na ka por sha ka por.