Shillong, Jylliew 23
Ka jingwanrah ka Sorkar Jylla ïa ka rukom shna ïa ka surok thymmai ne kaba khot ‘German Tech-nology’ na Mawblang kaba don hajan ka Noh-sngithiang, Sohra shaduh ka Ladsohbar, East Khasi Hills District kam shym la ai jingmyntoi ïa ki paidbah namar kane ka surok kaba la ïaid mynta la arsnem ka la sdang sniew.
Ka jingsniew kloi ka surok ka dei namar ha kane ka ‘German Tech-nology’ khlem pyndon- kam maw ban siang shuwa ban theh da ka rong hynrei la khleh da ka dewbilat bad ka khyndew.
Kumta kane ka surok ka la bun kiba la pei thliew namar ha Sohra ka dei ka jaka jur u slap bad ka jingtuid ka um ka la khlong ïa ka surok kat haduh ba ka surok kaba thymmai ka la sniewdur lut.
Ka jingpei thliew kane ka surok ka la buh jingeh ïa ki kali rit ba kin jynjar ba kin ïaid ïa ka surok namar lah jynjar ban kynriah na ki thliew kiba la heh.
Nangta ka jingsniew kane ka surok ka ktah ïa ka kam jngohkai pyrthei ha ki thaiñ Sohra naduh ka Thangkarang Park, Khohramhah, jingkieng Sohbar kaba dei ha Wahrew.
Haba ïakren bad u Sordar ka Hima Mawsmai- Nongthymmai Elaka, Bah Kenes Sing Khongwar u la ong ban ïa ka ‘German Technology’ ka dang lah shibun ka buit shna surok ka barim hapoh ka Jylla.
U la ong ba kane ka rukom shna surok (German) kim shym la siang maw shuwa ban siang ka rong hajrong na kata ka daw ka surok kaba dang shna tang 2 snem ka la bun ba pei thliew.
U la ong ban maramot ïa kane ka surok (German) kan shem shitom namar ka thliew ruh kaba heh bad paw tang khyndew saw suda.
U la ong biang ba ka surok ka buit rim hapoh ka Jylla ka kham skhem namar la siang shuwa da ki maw bad bud sa ka rong kaba kham skhem bad lada don ki jaka ba pei thliew ka suk ban maramot.
