Shillong, Risaw 14
Ha ka sienjam ka ban pynkmen ïa ki riew ieid thuk thuk, ka Frank Yamaha kawei na ki shlem die thuk-thuk ba paw ka Jylla, ha ka 13 tarik u Risaw, 2026, ka la pyllait paidbah sa ïa kawei ka thuk-thuk kaba la tip kyrteng kum ka ‘Yamaha R2’, ha ka jingïalang kaba la pynlong ha Ratson Pavillion, Mawïong.
Ïa kane ka thuk-thuk, yn lah ban ïoh ha san tylli ki rong ba kynthup ïa ka Metallic Grey, Racing Blue, Matte White Pearl, Metallic Black, bad Dark Bluish.
Ka don ruh haduh 4 tylli ki Riding Mode, kata ka RAIN, STREET, SPORT, bad CUSTOM 1 bad lada kwah ban ïoh ïa ki jingtip kiba kham bniah kiba don jingthmu ban thied, kin lah ban leit mih sha ka Frank Yamaha.
Ha kane ka sngi, la wan ban ïashim bynta da ki nongpynïaid katei ka shlem die thuk-thuk bad ki kynhun nongñiah bike ba kynthup ka Son Of The Hills, Riders for Change, Cafe racer of Shillong, Two strokes society bad ka Bluestreaks Shillong, kiba la shah khot sngewbha bad ruh ki nongthied.
