Jowai, Jylliew:
Ki ‘riewieid jingrwai jong ka West Jaiñtia Hills District ki la wan ha kajuh ka rynsan ban rakhe ïa ka ‘World Music Day’ ha ka 21 tarik Jylliew ha District Library Auditorium, Mynthong, Jowai kaba khlem donkam ban siew eiei na ka bynta ki nongwan peitkai.
Ïa kane ka jingrakhe la pynïaid da ka ophis u Deputy Commissioner ryngkat ka jingïatreilang District Society for Arts and Culture, West Jaiñtia Hills District.
Ha kane ka jingrakhe la shim bynta da ki nongrwai nongtem kynthup u Kenneth Anderson Ïakai, Armanki Nikhla, Padu Bloozy, Lynx, Rophilang Lyndoh, Seiñkyntu Seiñraij Khatar Daloi, Nongtalang Rongkhla Troupe, Chandanga School Music, Harmonium (Traditional and Fushion Music Group), Player Suna bad ka kynhun.
Ka kynhun rwai na ka Government Boys Higher Secondary School, Kiang Nangbah Government College, Jowai Thomas Jones Synod College, Jowai ruh ki la shim bynta ha kane ka sngi kumjuh ka jingïalehkai pynbyrngia ba la shim bynta da ka Chiiung.
Ha kane ka sngi la pyni nam ruh ïa ki jingriewspah jong ka distrik hak a liang ki tiar put tiar tem tynrai nalor kiwei-kiwei.
