Jowai, Jylliew 24
Ka Synjuk Waheh Shnong Ri Jaiñtia (SWSRJ) ka la pynbna paidbah ba kan pynlong ïa ka Dorbar Bah ha ka 29 tarik Jylliew ha District Library Auditorium Mynthong Jowai ha ka por 11 baje mynstep.
Kumta ka Synjuk ka la khot bad wer ïa baroh ki Waheh Shnong jong ka Rilum Jaiñtia na ar tylli ki District ka East Jaiñtia bad West Jaiñtia ban ïa wan khnang khnang sha kane ka Dorbar bah khnang ban ïoh ban ïa ai jingmut ne ïathir jingmut lang.
U General Secretary ka SWSRJ u Bah Kampher Pohlong u la pyntip ba ha kane ka Dorbah bah ki mat ban ïakren ïapyrkhat ki long, ka bhah thung kam thung jam ne Reservation Policy, ki kam khappud, ka jingpynthymmai ïa ki MDC Constituency ne Delimitation MDC Constituency’s nalor kiwei kiwei.
