Shillong, Jylliew 25
Ka tnat Pule-Dangle ka la phah ïa ka jingtyrwa sha ka tnat Pla Tyngka ha kaba ïadei bad ka jingpynkiew tulop ïa ki nongtrei kiba trei ha ki skul SSA.
U Myntri ka tnat Pule-Dangle u Rakkam A Sangma u la ong ba ka tnat Pule-Dangle ka la pynkhreh ïa ka jingtyrwa ban kyntiew tulop ïa ki nongtrei kumba 1200 ngut bad phah ïa kane sha ka tnat Pla Tyngka.
Dang shen ka kynhun All Meghalaya SSA Non-Teaching Staff Association (AMSSANTSA) ka la ïakynduh ïa u Rakkam bad pynsngew ha u ha kaba ïadei bad ka jingdawa.
Haba pynpaw jingeh ban pynurlong ïa ka jingdawa kaba shong-nia, u la ong ba ka tnat pla tyngka kan sa leh katkum ka jinglah bad jingdon pisa.
Une u Myntri u la ong ruh ba u la dep ban kyrpad ïa ka kynhun ki nongtrei ha ki skul SSA ba ka jingïakhih kam dei kaba lah ban pynurlong bad weng ïa ki jingeh.
