Shillong, Jylliew:
U Bah Honorius Nongrum uba dei u rangbah dong ka shnong Nongrim Hills bad uba peit ïa ka surok na Urkaliar sha Nongrim Hills ban poi sha Rynjah, u la ïathuh ba ka jingslem ban pyndep ïa ka surok ka bun palat ka jingeh kaba ki ïakynduh bad ki shipai namar mynta la lai bnai kim pat ai jingbit ban pom ïa san tylli ki diengkseh kiba don harud surok na ka bynta ban pynheh ïa ka surok.
Kane ka jingkwah ban pynshai u Bah Nongrum ka dei namar ha kine ki sngi ki ‘riew paidbah ki la pynpaw ïa ka jingeh ha ka leit ka wan namar ka jingbym shah ban ïaid kali na Urkaliar sha Nongrim Hills ban leit sha Rynjah, Umpling, Nongrah.
