Jowai, Jylliew:
Ka Telecom Regulatory Authority of India (TRAI) ha ka 27 tarik Jylliew ka la pynlong ïa ka Consumer Outreach Programme (COP) ha Nongtalang College West Jaiñtia Hills.
Ka jingthmu jong kane ka prokram ka long ban pynpaw paidbah shaphang ki kam jong ka TRAI ban pynneh ïa ka bit ka biang jong ki nongthied bad ban pynbha ïa ka jingdonkam jong ki mobile network ha ki jaka ba long shabar.
Ha kane ka sngi la donlang ka Kong G Shabong (CCA, NE-I, Department of Telecom) u D Pandey (SDPO, Amlarem) kum u kongsan ba kyrpang bad u Dr. Ryan Reid Kharkongor, Principal jong ka Nongtalang College.
U Dr. RR Kharkongor ha ka jingkren, u la ïaroh ïa ka jingtrei jong ka TRAI ban pynlong ïa kane ka prokram ban pynpaw paidbah na ka bynta ki paidbah jong ka Nongtalang. Kum ka jaka pule, u la kdew ïa ka jingdonkam jong ka jinglong trai jong ka mobile connectivity ha ka jaka jong ka college. Ha kine ki sngi, ka jingdonkam jong ka mobile network ka long khim bad ka fixed-line connectivity kam don.
Ka Kong G Shabong ka la kdew ïa ka jingdonkam jong kum kine ki prokram pynpaw paidbah ha ki jaka shabar kum ka Nongtalang. Ka la kyntu ïa ki khynnah pule ban pynpaw ïa ki jingeh bad ki jingdonkam jong ki shaphang ka network ha ka por jong kane ka prokram.
U D Pandey u la kyrpad ïa ki khynnah pule ban ai jingïaroh ïa ka network connectivity. Ka jingïaroh jong ki kan ïarap ïa ka TRAI bad kiwei ki tnat ban pynbeit ïa ki jingeh jong ka connectivity.
Shuh shuh, ka la don ka jingpynshai shaphang ka cyber crime da u D Pandey, SDPO, Amlarem, Meghalaya Police.
Ki projek jong ka USOF kynthup ka Bharat Net bad 4G Saturation projek hapoh Meghalaya la batai da u A Das, na ka ophis jong ka CCA TRAI.
Katba u Ashi Dutta, Jt. Advisor, TRAI, u la kren shaphang ka Sanchar Saathi portal (sancharsaathi.gov.in), ka platform kaba pynshai paidbah da ka Department of Telecom (DOT). Ka jingpynshai ka kynthup ïa ki tiar kiba don ha kane ka portal kum ka “Chakshu” (fraud communication), CEIR (lost or stolen mobile), bad TAFCOP (number of mobile connections).
Ha kane ka prokram, u Debjit Saha, SRO, TRAI, u la hikai ïa ki nongshim bynta shaphang ki regulations kiba pynbor ïa ki nongthied, ki Value Added Services (VAS), Unsolicited Commercial Communications (UCC), Mobile Number Portability (MNP), bad ki lad pynbeit jingeh. Ki nongshim bynta ki la ïoh jingtip shaphang ki mobile apps jong ka TRAI (TRAI My Speed, TRAI DND 3.0, bad TRAI My Call), ki tariff portals, bad ki network coverage maps.
