Shillong, Naitung:
Ka jingïai ther u ‘lapbah-‘lapsan naduh ka Sngi U Blei bad bteng haduh ka Lah Sngi U Blei ka la wanrah ïa ka jingjot bad ka jingsniew jong ka surok kaba pynïasoh naduh Ishyrwat ter-ter shaduh ka shnong Umpling, Nongrah, Lapalang, Rynjah bad ïa ka surok New Shillong.
Kane ka jingjot jong kane ka surok ka dei na ka daw ka jingtuid jong ka um slap kaba la pynlong ban khoh lut ïa ka rong surok bad ïa ka khyndew kaba la pynmih ïa ki thliew ki syar kat haduh ba ka la pynsohsat ïa ki kali ban ïaid lyngba na kane ka surok.
Ka jingjot jong ka surok ka la pynsyrtok ruh ïa ka leit ka wan jong ki kali bad khamtam eh ïa ki thuk-thuk ar shaka. Namar ka jingsniew palat jong katei ka surok, la lap ruh ïa uwei u rangbah uba dang wan phai na ka kam bylla bad da ka mon sngewbha u la ïarap ban kdew lynti ïa ki kali ban kiar na ka thliew kaba la mih hapdeng jong ka surok.
