Khliehriat, Naitung 10
Ka Dorbar Shnong Nongsning kaba hap hapoh ka Elaka Sutnga, East Jaiñtia Hills District ka la pyrshah jur ïa ka jingpynkynriah ïa ka shnong Nongsning na ka 23-Rymbai Khliehriat Consti-tuency sha ka Sutnga Nongkhlieh Constituency ha ka jingpynbeit thymmai ïa ki constituency da ka Delimitation Committee jong ka Jaiñtia Hills Autonomous District Council (JHADC).
U Waheh Shnong ka Nongsning u Bah D Bareh ha ka kyrwoh, u la ong ba ka Dorbar Shnong kaba la long ha ka 9 tarik Naitung, ki paidbah nongshong shnong da kawei ka sur ki la rai ban pyrshah beit ïa kane namar baroh shi katta ka shnong Nongsning ka hap constituency bad ka 23-Rymbai Khliehriat Constituency bad kane ka pynsuk shisha ïa ki nongshong shnong ha ka leit ka wan, ha ki lynti syngkien.
“Ka jingpynkynriah constituency ïa ngi sha kiwei pat ki constituency, ka shnong hi kam lah ban pdiang bad kane ka pynlyngngoh shi katdei eh ïa ngi kum ki nongshong shnong,” la ong u Bah Bareh.
Kumta u la kyrpad ban pynneh bad pynsah ïa ka shnong Nongsning ha ka 23-Rymbai Khliehriat Constituency namar ba kum ki nongshong shnong ki suk ban don ha katei ka constituency kaba ki shait don baroh shi katta.
