Khliehriat, Naitung 10
Ha kaba ïadei bad ka jingjia ha ka step 6 tarik Naitung ha kaba saw tylli ki metïap jong ki briew ki bym lah ban ithuh kiba la shah pynïap dusmon da kaba shah mait da ki kynja wait ha lyndet jong ka ïew Umpleng, East Jaiñtia Hills District, hadien ba la pyndep ïa ka ‘post mortem’ ïa ki lai tylli napdeng saw tylli ki metïap ïa kiba la lah ban ithuh bad wan kam da ki bahaïing. Hynrei, haduh mynta ym pat shym la don satia ki ban wan kam ïa kawei pat ka metïap kaba dang don haduh mynta hapoh ka jaka buh metïap ha Civil Hospital Khliehriat. Une u lanot bym pat lah ban tip kyrteng u dei uba don ha ka rta 21-24 snem, u don ka rynïeng 5.5 phut, ka met kaba long pdeng, kham dum sniehdoh, u phong da ka T Shirt rong ïong bad ki dak thohlieh, u phong ka palun lyngkot kaba ïong.
