Shillong, Naitung:
Ka North East Small Finance Bank (NESFB) ka la pynbna ïa kawei na ki jingpynrung kam kaba heh tam ha kane ka thaiñ Shatei-lam-Mihngi. Ka Bank ka thmu ban shim palat 200 ngut ki nongtrei thymmai ha ka bynta ba nyngkong jong kane ka jingthmu kaba heh. Ka NESFB kan thung kam na ka bynta ki bynta ha kylleng ki tnad jong ki ha Guwahati, Lakhimpur, Nalbari, Tezpur, Jorhat, Diphu, Dibrugarh, Kokrajhar, Kamrup, Shillong, Siliguri, Agartala bad Aizawl.
Ha ka bynta ba nyngkong jong ka jingpynrung kam, ka bank ka dang wad nyng-kong eh na ka bynta ar tylli ki kam ba kongsan ha kylleng ki tnad jong ka: U Ophisar ba ïadei bad ki mar ki mata bad u Ophisar ba ïadei bad ka jingïadei – Ki jingkitkhlieh. La pynshlur ïa ki briew kiba don ïa ka kyrdan Bachelor’s Degree bad kiba la don 0-3 snem ka jingshemphang ha ka kam Bank ban apply.
Kane ka jingpyrshang ka long shi bynta na ka thong ba kham heh jong ka NESFB ban kyntiew ïa ka jingdon lang ha ka liang ka pisa tyngka, ka jingpynmih kam bad ka roi ka par ha ka thaiñ Shatei-lam-Mihngi. Kane ka Bank ka thmu ban pynheh shuh shuh ïa ki nongtrei jong ka ha ki bnai ban wan katba ka jingïasoh bad ka Fintech Unicorn, Slice kaba don ha Bangalore ka nang ïaid shaphrang. Haba kynthoh halor
Kane ka jingthmu, u Satish Kumar Kalra, MD & CEO, ka NESFB, u la ong, “Ngi kheiñkor bha ïa ka sap jong ngi ha la ka jong ka thaiñ bad ngi angnud ban pynkupbor ïa ki da ki lad ki lynti kiba kham heh bad kham bha. Kane ka dei kawei na kiba bun ki bynta ba ngi thmu ban pynlong ha kane ka thaiñ ryngkat bad ka plan pynroi kaba bniah kaba 5 snem kaba ngin sa ïasam bad ki paidbah ka thaiñ Shatei-lam- Mihngi shen.
