Shillong, Naitung 11
U Horticulture Development Officer, Bah Terminal Wann u la pyntip ba u sohtrun uba mih na Ri Bhoi district u kham bang ha Delhi namar u mih ha jaka shit.
Kane ka jingbatai u Bah Wann ka dei ha ka jingïakynduh ha ka ïew pyni nam ïa u sohtrun ba la wanrah na Meghalaya ha Dilli haat, Delhi kaba la sdang naduh 10 tarik bad kut haduh 14 tarik Naitung 2024.
U Bah Wann u la ïathuh ba ka jingwan pyni nam ïa u sohtrun ha Delhi ka long ban pynïaid ïew ïa u sohtrun na jylla ban ai jingmyntoi ïa ki nongrep.
U la ong ba ïa ki sohtrun na Meghalaya la ai ban pynïaid ha kawei ka kompani kaba kyrteng Mother Dairy Fruit & Vegetables Pvt Ltd, Mangolpuri, Industrial Area, Phase-1,New Delhi.
U la ïathuh naduh ba shimti kane ka kompani ïa ki sohtrun jong ki nongrep ki la ïoh jingmyntoi namar ka dor ka la kham kiew.
Ha ka por janmiet, u sohtrun na Meghalaya u dang shngiam shuh shuh haba ki briew na kiwei ki jylla kiba wan ha kane ïew pyni nam ïa u sohtrun ha Delhi mar shu kiew rynsan ki samla Khasi ban ai jingrwai.
Kine ki nongrwai na Meghalaya ki la sdang rwai ha ka por janmiet haduh 9 baje kiba la rwai da Khasi bad Phareng.
Kiba rwai mynta ka janmiet ki don lai kynhun kiba kynthup ïa u Leonard H. Syiemlieh, The band Alive (Jerry Berg Marbaniang) bad Ahaia group.
Katba kiwei ki nongrwai kin hap rwai lashai haduh ban da dei ka sngi kut jong kane ka ïew pyni nam sohtrun.
La ïohi ba kiba wan sngap ïa kine ki nongtem, ki la shongshit bha ryngkat ka bam sohtrun uba thïang haba ka suinbneng ha delhi ka shit bha.
