Tura, Naitung 12
Uwei u khynnah uba dang 9 snem na kawei ka shnong kaba hap ha Dadenggre Sub-Division, West Garo Hills, u la khlad noh na ka jingshah pom pyrthat katba dang rah ïa u sha ka jaka sumar.
U Dechangbirth M Sangma, uba na ka shnong Sathegre, u la shah pom pyrthat, hynrei u la mynsaw jur. Ki bahaïing hasem ki la pynkit noh ïa u sha Dadenggre CHC, hynrei u la khlad noh ha shiteng lynti.
“U la mynsaw jur na ka jingshah pom pyrthat, bad lada dei ba u la ïoh jingsumar kham kloi, lehse u la lait im, hynrei u Blei u don la ka jong ka saiñdur. U la khlad ha shiteng lynti namar ka surok ka la shah pakhang na ka daw jong ka jingtwa khyndew,” la ong ka tyllong khubor na ki trai shnong.
Ki pulit ki la ïoh jingtip halor katei ka jingjia ha ka janmiet Sngi Thohdieng, bad na ka liang ki pulit ka Dadenggre ki dang wad ïa ki jingshisha bad ban leh ïa kaba donkam.
