Shillong, Naitung:
Ka Executive Commitee jong ka Eastern West Khasi Dancers Association ha rynkat ka All Meghalaya Dancers Association ka la ïoh ban pynkut noh ïa ka rynsan ïakob shad tang na ka bynta ka thaiñ Eastern West Khasi Hill bad South West Khasi Hill. Kum shi bynta ban plie lynti ïa ki sap shad ka thaiñ West baroh kawei ha ka jingïakhun kaba ïakhaid bha ki point ha ka nam banyngkong la ïohrah da u samla Tyngshaiñ Khardewsaw bad u samla Rikupar Syiemlieh ba la shadlang arngut bad i heprit Ilawanshwa Wahlang napoh Phot Jaud Rangthong kiba la ïohrah ïa ka nam banyngkong bad ïa ka nam ba-ar pat la ïohrah da i heprit Khamtilang Kharjana na Ladpnar rim bad kyrdan ba-lai da ka X Squad Group Shad na Nongstoiñ.
Ha katei ka sngi la ïadon ryngkat lang u MLA Mairang uba la ai mynsiem ïa ka synjuk kaba la lah ban wanrah ïa kane jingïakob shad bad ha kajuh ka por ba la wan rah ruh ïa ka Subject Awerness Programs Shaphang u Drugs bad HIV AIDS.
Na ka liang u Bah Metbah u la kular hakhmat u President ka Eastern West Khasi Dancers Association u Samla Micky Paul Mawlong bad u Samla Gary Kynshikhar General Secretary ban ïarap lyngba ka bhah pisa khnang ba ka synjuk kan nang lah shuh shuh ban pyntyllun ïa ki kam ba bha na ka bynta ka jingbit jingbiang ka thaiñ West baroh kawei.
Ha katei ka sngi ka synjuk ka la khot sngewbha ruh ïa ka Mairang Police Station bad ka Civil Hospital Mairang ban ai Awerness Programs kumno ban pynsngewthuh paidbah shaphang u Drugs uba la pynduh thiah duh dem ïa ka jylla Meghalaya baroh kawei.
Ha kaba ïadei bad u Drugs la ïoh jingpynshai na i Officer Incharge Mairang ba ngim dei ban ñiew beiñ hynrei ngi dei ban pynsngewthuh bad sneng khraw bad ban kiar raimaw-raidieng bad na ka liang ka Civil Hospital Mairang la ïoh ban ai jingkren kumno ban pynsngewthuh paidbah halor ka jingkiew stet u khñiang jingpang HIV AIDS (ñiangkulia) ba ngi dei ban husiar bad ngim dei ban ñiew beiñ ïa ki ba la ngat ha ki jingpang HIV AIDS hynrei ngi dei ban pynsngewthuh bad long kawei ha ka imlang ka sahlang, la ïa don rynkat lem bad ki NGO UHM Central Body HANM Eastern West Sports Sectary Corp Central Body Ribhoi District la wan ai mynsiem lem da u Biswa Jeet Dhar Sale Marketing ka ADS Company Ltd.
Ha katei ka sngi la wan ban bishar da u samla Maichel Syiemïong top 12 ka Dance India Dance, u Samla Kanet Mawlong Winner Meghalaya Superstar 6, ka samla Tracy Basaïawmoit ka puron jong ka phlim Pynngop Sa Shisien Khasi ha ryngkat u Grandmaster u Bah Kitbok Thabah President ka All Meghalaya Dancers Association uba long ruh u nongïalam ban prat lynti ïa ki heprit, samla donsap shad rwai ka jylla Meghalaya baroh kawei.
