
Shillong, Naitung 14
Ka Sorkar Jylla ka dang ap ïa ka Sorkar Pdeng ban pyntreikam sa ïa ka Smart City 2.0 na ka bynta ban pynrung shuh shuh ïa ki kam pynroi ha ki jaka sor, bad kiba bun ki projek hapoh ka Smart City ki la jan dep lait noh tang ka projek ‘Smart Road’ ha Lachumier kaba hap ban pynsangeh noh.
Dang shen ka la mih ka jingkylli, lano ka Sorkar kan pyndep noh ïa ka projek ‘Smart Road’ ha Lachumier hynrei mynta ka Sorkar ka la pynsangeh noh pynban namarba kam long kaba biang ban pynïaid shakhmat namar ka jinglong ka jaka.
La ong ba ka Sorkar Jylla kan pynkhreh da kawei pat ka DPR na ka bynta ki surok kynthup ïa ka ‘Smart Road’ ha Lachumier.
U Symbud Myntri Rangbah u Bah Sniawbhalang Dhar uba peit ïa ka tnat pynroi sor, u la ong ba ka Sorkar ka la pynïaid shaid-shaid ïa ki projek hapoh ka Smart City bad bun ki projek kiba la jan dep kynthup ka ïew ha Polo bad Laitumkhrah nalor ki jaka ïeng kali.