Tura, Naitung 14
Uwei u hati uba dang sdang khie san, kumba 4-5 snem eiei, u la ïap noh hadien ba u la ngam jyllop ha ka shnong Bollongre kaba hap hapoh ka jing-khmih jong ka thanat Kalaichar, South West Garo Hills.
Katei ka jingjia ka la paw pyrthei hadien ba ki samla kiba la leit khwai sha katei ka jaka ki la lap ïa utei u hati bad pyntip mardor sha ki shipai ka tnad Border Security Force (BSF) kiba don hapdeng ka jingshakri.
Haba jubab mar-mar ïa katei ka jingia, ki bor ba dei khmih ki la wan poi ha katei ka jaka bad leh ïa kiba donkam ba kynthup ïa ka ‘Post-Mortem’.
Ka kaiphod ‘Post-Mortem’ ka la pyntikna ba ka daw jong ka jingïap ka dei namar ka jingngam jyllop, bad ym shym la don kino-kino ki dak ki ban pyni ba ka jingïap ka dei na kawei pat ka daw. Ki bor ba dei khmih ki la pyndep lut ïa ki jingdonkam baroh katkum ki kyndon ba la buh.
Kane ka jingjia ka kdew ïa ki jingeh ba mad da ki mrad hapoh ka thaiñ bad ban jur halor ka jingdonkam ban ïai bteng ha ka ban ïada bad pynneh-pynsah ïa ki jingdon-jingem mariang.
