Ampati, Naitung 14
Ha kawei ka jingjia kaba la jia ha ka janmiet Sngi Saitjaiñ, u Rikrak S. Sangma (26 snem ka rta) bad khun jong u Meckenson Ch. Marak, nongshong shnong ka shnong Jolgaongre, South West Garo Hills, u la kylla long u lanot hadien ka jingshah thom ha ki hati khlaw.
Katei ka jingjia ka la jia hadien ka jingpyrshang ban beh ïa ka kynhun ki hati khlaw kiba la buh jingma ïa ki jingthung-jingtep.
Hadien ba la ïoh jingtip halor katei ka jingjia, ki bor ba dei khmih mar-mar ki la mareh sha katei ka jaka ban pynlong ka jingtohkit.
Ynda ki la poi, ki la lap ïa ka met jong utei u samla kaba la thiah lyngktar ha ka jingthiah siej hapoh shnong. La lap hadien ka jingtohkit ba ki nongshong shnong ki la ïoh lad ban pynkit noh ïa utei uba la khlad na jaka jong ka jingjia.
Shuh shuh ki jingtip ba ïoh lum ki ïathuh ba utei uba khlad u dang bunkam ha ka ban khmih ïa ka jaka lajong ha ka por ba jia katei ka jingjia ba sngewsih. Kumba 7:00 baje haduh 7:30 baje mynmiet, katba katei ka kynhun ki hati khlaw ka dang ïaid lyngba ka shnong, ki nongshong shnong ki la pyrshang ban beh ïa ki da ka jingthmu ban ïada ïa ki jingthung-jingtep jong ki. Kaba sngewsih ka long ba ha katei ka jingpyrshang, utei u lanot u la shah thom dusmon ha uwei napdeng kitei ki hati, kaba la ïalam sha ka jingïap jong u.
