Nongstoiñ, Naitung:
U District Magistrate, West Khasi Hills District, Bah Garod L.S.N Dykes, I.A.S u la pynjari syndon da ka kyndon 163 jong ka BNSS 2024 ban khang bad mana pyrshah ïa baroh ki trok ba kim dei ban kit palat ïa ka 9 ton haba ïaid lyngba ka jingkieng Wahlyngdoh, West Khasi Hills.
Ha ka kyrwoh khubor, u District Magistrate u la pyntip paidbah ba ka jingkieng 20/1 Wahlyngdoh jong ka surok Nongstoiñ-Darugiri, Nongstoiñ- Maweit (20 km) kam lah ban shan palat ïa ka jingkhia kaba 9 ton.
Kumta khnang ban ym don kano-kano ka jingthut ha ka leit ka wan jong kiba ïaid na katei ka jingkieng bad ban lait na ki jingjia bym poi pyrkhat, u District Magistrate, u la pynjari da ka kyndon ba 163 jong ka BNSS 2024 ban khang bad mana pyrshah ïa baroh ki trok, ba kim dei ban kit palat ïa ka 9 ton haba ïaid lyngba jong katei ka jingkieng Wahlyngdoh.
