Shillong Naitung:
Ka Executive Member (EM) ba khmih ïa ka tnat Khlaw jong ka Khasi Hills Autonomous District Council (KHADC) ka Kong Macdalyn S Mawlong dang shen hapoh ka Dorbar Lyiur kaba dang shu kut, ka la pyntip ba ka KHADC ka don 13 tylli ki bri thung dieng ha kylleng ki jaka ba hap ha pud u sam ka Council.
Ka Kong Macdalyn ka la pyntip ïa kane haba jubab ïa ka jingkylli ba la wanrah da u MDC ka Sohra u Bah Titosstarwell Chyne, ha kaba ka la ong ba kine ki 13 tylli ki bri thung dieng jong ka KHADC ki long ka Lailad, Lumshami, Umsaw Nongkharai, Sohlait, Lumsohpetbneng, Umtham, Lumsharyntoh, Byrnihat, Langumshing, Noonmati, Umling, Nongshillong Ramshynrai bad ka Aradonga.
Shuh shuh ka EM ba khmih ïa kane ka tnat, ka la pyntip ruh ba ka Council ka la ïoh pdiang T.1,27,81,673 na ki mar khlaw jong u snem 2022-2023 bad T. 1,93,05,911 jong u snem 2023-24.
