Khliehriat, Naitung:
Namar ka jingther jong u slap ha ka step 12 tarik Naitung, ka la don ka jingtwa khyndew kaba jur ha surokbah NH-6, ha Kuliang East Jaiñtia Hills District.
Ha kane ka jingtwa, kawei ka trok ka la lait thaw na ka jingshah rong ha ka khyndew kaba tuid.
Kane ka jingtwa khyndew ha kane ka surokbah NH-6 ka la pynthut ïa ka ïaid ka ïeng ki kali ba wan ba leit na Shillong, Jowai, Silchar bad kiwei-kiwei ki Jylla.
Ki bor pynïaid distrik jong ka East Jaiñtia Hills ki la shimkhia bha ban pynkhuid bad weng ïa ka khyndew ba la twa ha ka surok bad ka jingsahkut kali ruh ka la lait mynta.
