Shillong, Naitung 16
Ka shlem treikam jong u Civil Sub Division Officer jong ka Pynursla ka la pyntip ba kan don ka jingkhang ar kynta ïa ka ïaid ka ïeng ki kali ha surokbah NH-40 Shillong Dawki ha ka bynta jong ka riat Rngaiñ.
Ha kane ka jingpynbna ba la pynmih ha ka Sngi Ba-ar, la pyntip ba ka jingkhang kan long tang ar kynta, kata naduh ka por 12 baje mynsngi haduh 2 baje nohphai sngi jong ka 17 tarik mynta u bnai.
Ka jingkhang ïa ka ïaid ka ïeng jong ki kali ha kine ki kynta ka long na ka daw ba kan don ka jingweng bad jingpynkhuid ïa ki mawbah kiba la sdien synjor ha ka bynta jong katei ka surok ba la kdew namar ka buh jingma ïa ka leit ka wan bad ka jingshngaiñ jong ki nongleit jingleit.
Kane ka bynta kaba shah ktah na ka jingsdien synjor jong ki mawbah ka long ha ka’Chainage 33+00′ ha thaiñ Rngaiñ jong ka NH-40, ka surok Shillong-Dawki.
