Shillong, Naitung 16
Ki shipai Border Security Force (BSF) ki la ïoh ban kem noh ïa uwei u nong Bangladesh ryngkat bad ki bitor kyiad na khappud East Jaiñtia Hills District jong ka Meghalaya.
Kane ka jingïoh kem ka la long ha ka Lah Sngi U Blei hadien ba ki la ïoh jingtip kaba thikna, ha kaba ki BSF ki la pynlong ïa ka jingkhynra ha ki jaka khappud jong ka Dona BOP.
Ha kane ka jingkhynra ki la ïoh ban kem noh ïa utei u nong Bangladesh ba la tip kyrteng u Shameen, 22 snem, uba dei na ka district Sylhet bad na u la ïoh kurup ruh ïa ki bitor kyiad.
Ïa une u briew bad ka kyiad ba la ïoh kurup la aiti noh sha ki pulit jong ka thanat Umkiang na ka bynta ban leh ïa kaba donkam.
