Shillong, Naitung 16
U nongtrei jong kawei ka shlem treikam Sorkar ha Shillong ha ka 15 tarik mynta u bnai u la ujor ejahar ba ha ka 12 tarik mynta u bnai, u la ïoh pdiang ïa kawei ka ‘phone call’ (ka bym ithuh), ha kaba u nong ‘phone’, u la pynkohnguh ïa u ban plie ïa kawei ka ‘file’ – ‘Customer Support apk’ bad pynkylla ïa kaei kaba la buh sha ka dor kaba kham heh.
Hadien kane, la shem ba ka la don lai sien ka jingsei pisa khlem ka jingbit na u trai kaba la kot sha ka T.73,596.84/- na ka ‘Credit Card’ jong u.
Ha kawei pat ka liang, ha ka 15 tarik Naitung, u nongshong shnong jong kawei ka shnong ha Shillong u la ujor ejahar ba ha ka 3 tarik Naitung, u la ïoh pdiang ïa ka ‘phone call’ na u Akash Rao, uba kam ba u dei u nongmihkhmat jong ka Banaras Internal Express bad pyntip sha u ba u hap ban siew T.5/- ban pyllait ïa ka song jong u, ha kaba u la kohnguh. Hadien kane, u la lap ba ka la don ka jingsei pisa kaba T.9,999/- na ka ‘Bank Account’ khlem ka jingtip jong u.
