Shillong, Naitung 16
Ha ka 15 tarik Naitung, u Hentil R. Marak u la ujor ejahar ba ha ka miet 12 tarik mynta u bnai, ka skutar jong u (ML-08H-0709) ka la jah na Williamnagar Bazar (EGH).
Ha kawei pat ka jingjia, ha ka 15 tarik Naitung, u Rashidul Hoque u la ujor ejahar ba ha ka 12 tarik mynta u bnai ha ka por kumba 11.30 baje mynmiet, ki runar ki bym ithuh satia ki la rong ïa ka skutar jong u (AS-18K-7271) na phyllaw jong ka jaka sah ha MTC Colony, Williamnagar (EGH).
Ha kane kajuh ka sngi, u Nur Alom u la ujor ejahar ba ha ka 12 tarik mynta u bnai ha ka por kumba 11.30 baje mynmiet, ki runar ki bym ithuh satia ki la rong noh ïa ka skutar jong u (ML-08K-0826) na phyllaw jong ka jaka sah ha MTC Colony, Williamnagar (EGH).
Ha kajuh ka por, ha ka 15 tarik Naitung, u Tongkeswar Hajong u la ujor ejahar ba ha ka shiteng synñia jong ka 12-13 tarik mynta u bnai, ki runar ki bym ithuh satia ki la rong noh ïa ka thuk-thuk jong u (ML-05AB-4243) na Kharmalki, Malki, Shillong.
Kumjuh, ha kane kajuh ka sngi, u Chandan Singh u la ujor ejahar ba ha ka step 14 tarik mynta u bnai kumba 5 baje eiei, u la lap ba ki runar ki bym ithuh satia ki la rong noh ïa ka thuk-thuk jong u (AS-01DH-9774) na 11 Mer kaba hap hapoh thanat Khanapara (Ri-Bhoi).
