Shillong, Naitung 22:
Ka seng Hynñiewtrep National Youth Movement(HNYM) ka la ïoh ban pynkha biang sa kawei ka shnat treikam ha ka 20 tarik u bnai Naitung 2024 ïa kaba la tip kum ka HNYM Nongpoh Circle.
La pynïaid ïa ka jingïalang da u bah Donald Muktieh, President ka HNYM Ri Bhoi District, ha ka jingïadon ryngkat lang da ki nongïalam jong ka HNYM sengkmie kiba kynthup ïa ki arngut ki Vice-President, u bah Pyrkhatlang Nongphlang bad u bah Marshall Nonglait, u Working President, u bah Donald Syiemlieh, u Secretary ka HNYM Ri Bhoi District nalor kiwei-kiwei de ki nongïalam jong ka HNYM Ri Bhoi District.
Haba ai jingkren ha katei ka sngi, u President rangbah ka seng, u Bah Louis Dohtdong u la ong ba la seng ïa ka nongrim jong ka HNYM halor ka khyndew ka shyiap, ban ïada ïa ka khyndew ka shyiap, ïa u pud u sam, ka synshar ka khadar bad ka ktien ka thylliej.
La pyntian smai ïa ki nongïalam jong ka HNYM Nongpoh Circle da u President ka HNYM sengkmie, u Bah Louis Dohtdong.
Ki nongïalam jong ka HNYM Nongpoh Circle kiba la shah pyntian smai ha katei ka sngi ki kynthup ïa u bah Donboklang Kharbani kum u President, u bah Wanbiang Syngkli kum u Vice-President, u bah Graham Kharbani kum u General Secretary, u bah Shan Maïong kum u Asst. General Secretary, u bah Shemphang Kharbani kum u Sports Secretary, u bah Korbarlin Marbañiang kum u Asst. Sport Secretary ha ryngkat bad ki 12 ngut ki dkhot jong ka Executive Committee kiba kynthup ïa u bah Kit M. Umlong, u bah Krius Pariong, u bah Jefferson Rani, u bah Kyrshan Basaiawmoit, u bah Jeffer Shabong, u bah Nilkyrshan Kharshandi, u bah Lytem Nongshli, u bah Aiborlang Marbañiang, u bah Livingroy Marbañiang, u bah Sylvester Diengdoh, u bah Pynhun Marsing bad u bah Chesterfield Marsing.
