Jowai, Naitung:
U Symbud Myntri Rangbah ka Jylla, Bah Sniawbhalang Dhar ha ka 19 tarik Naitung u la hiar sha ka shnong Mupliang ban ïakynduh ïa ki nongïalam bad ki paid ‘riewngeit jong ka Balang Presbyterian Mupliang ban ai mynsiem halor ka jingbam duh ka ding ïa ka ïingmane ha ka 22 tarik Jymmang, 2024.
Ha kane ka jingleit hiar sha ka shnong Mupliang, u Symbud Myntri Rangbah u la ïasyllok bad ki nongsharai Balang ban pyrkhat kumno ban tei ïa ka ïingmane.
U la pynpaw ruh ba un synñiang T.25 lak bad ban wad ki lad jingïarap ban pyndep kloi ïa ka jingtei.
