Nongstoiñ,Mairang:
Ha ka 19 tarik u Naitung 2024, ka shlem treikam jong ka District Legal Services Authority (DLSA) West Khasi Hills, ka la pynlong ïa ka prokram pynsngewthuh paidbah halor ki kam aiñ kiba ïadei bad ki paidbah bad ki jingmyntoi kiba ki paidbah ki dei ban ïoh lada ki don jingtip bad ka aiñ.
Ïa kane ka prokram la pynlong ha ka shnong Seiñduli-1, Mawshynrut C& RD Block, West Khasi Hills, District kumjuh ruh ha ka shnong Markasa, Mawthadraishan C&RD Block, Eastern West Khasi Hills, District halor ka phang “Opening Doors For Education To Children/ Campaign For School Dropouts”.
Ka jingthmu jong kane ka prokram ka long ban pynshai sha ki khynnah skul halor ki hok jong ki bad kumjuh ban pynduna ïa ka jingpep skul shiteng por jong ki khynnah.
Ha kane ka sngi, ki ‘riewshemphnag napoh ka shlem treikam DLSA, West Khasi Hills District, ki nongmihkhmat na ka tnat Labour bad DCPU ki la wan ban ai jingkren bad pynshai paidbah halor ki mat kiba kongsan kiba ïadei bad ka ‘Free Legal Aid and Services’, ‘Juvenile Justice Act’, ‘Rights of Children to Free and Compulsory Education Act 2009’, ‘Mid Day Meal Scheme’, ‘NALSA Children Friendly Services and their Protection Scheme 201 5’, ‘Prohibition of Child Marriage Act, 2006’, ‘Child Labour Prohibition and Regulation Act 1986’.
Ki Rangbah Shnong jong baroh ar tylli ki shnong, kata ka Seiñduli-1 bad ka Markarsa ki la pynpaw ka jingsngewnguh ïa ka ophis jong ka DSLA, West Khasi Hills District kaba la pynlong ia kane ka prokram kaba la long shisha ka jingmytoi ïa ki nongshong shnong kiba la wan sha kane ka prokram.
Ha kane ka prokram ka la don ruh ka jingïaphylliew jingmut hapdeng ki nongshong shnong bad ki ‘riewshemphang kaba la wanrah shibun ki jingtip bad jingmyntoi ïa baroh kiba la wan ban ïashim bynta
