Shillong, Naitung 23
Ka Sorkar Jylla ka la rai ban nym pynkut ïa ka jingrakhe dap saw snem ka National Education Policy ha ka 28 tarik mynta u Naitung 2024 namar ka hap ha ka sngi U Blei hynrei ïa ka jingrakhe pynkut yn pynlong ha ka lah sngi U Blei, kata, ha ka 29 tarik u Naitung 2024.
Katkum ka jingbthah kaba la pynmih da ka shlem treikam ka State Education Mission Authority jong ka Jylla ha ka Sngi Ba Ar la ong ba katkum ka tnat pule puthi ka Sorkar Pdeng ka la pyntip ba ka jingrakhe ïa ka ‘Shiksha Saptah’ kaba dei ka jingrakhe shaphang ka jingdap saw snem ka National Education Policy-2020 ïa baroh ki skul yn nym pynlong ha ka 28 tarik u Naitung kumba la pynbna mynshwa, hynrei yn pynkut beit ha ka 29 tarik Naitung, 2024.
Na ka liang u Myntri ka tnat pule puthi ka Jylla u Rakkam A Sangma ruh u la pynshai ïa kane katkum ba la pynmih ïa kane ka jingbthah.
