Shillong, Nailar 07
Tang ha kine artaïew tam ki la don haduh 408 tylli ki kali kiba la shah bat noh ha ki pulit pynïaid kali ka nongbah ka Shillong Traffic Police (STP) namar ka jingpynkheiñ aiñ da kaba tah ïit ïong.
Ha ka kyrwoh ba la pyllait da u Superintendent of Police (SP) ka East Khasi Hills u Bah Sylvester Nongtnger la ong ba ïa kine ki kali ba la ïoh bat, ki long ha ka jingkhynra naduh ka 14 tarik Naitung haduh 1 tarik Nailar 2024.
U SP u la pyntip ba ïa kine ki kali la bat namar ba ki la pynkheiñ ïa ka aiñ bad kyndon jong ka Motor Vehicle Act.
U SP u la kyrpad ïa baroh ki nongñiah kali ba kin kiar na kaba tah ïit ïong ha ki kali namar ka pynkheiñ ïa ka jingbthah jong ka Supreme Court ka Ri India lyngba ka hukum WP (C) No. 265 2011. U la ong ruh ba yn leh da kaba tyngeh ïa kiba leh pyrshah katkum ki kyndon aiñ.
