Shillong, Nailar:
Ka Indian Institute of Management (IIM) Shillong bad ka State Institute of Rural Development & Panchayati Raj (SIRD&PR) kaba na Arunachal Pradesh ki la soi ïa ka soskular sngewthuh jingmut (Memorandum of Understanding) ban ïatreilang ha kaba ïadei bad ki sienjam kiba thmu ban nang kyntiew ïa ka jinglong nongïalam bad ki jinglah pynïaid kam hapoh ka Panchayati Raj Institutions (PRIs) ha Arunachal Pradesh.
Ïa ka MoU la soi da u Prof. D.P. Goyal, Director, IIM Shillong bad u Dr. Sonal Swaroop, u Secretary Executive Council, SIRD&PR.
La ong ba kane ka jingïateh ka long kum ka sienjam ban pynkhlaiñ ïa ka rukom synshar bad jinglah ban pyntreikam ïa ki kam pynroi ha nongkyndong bad rukom treikam ka Panchayati Raj ha ka thaiñ.
Ka thong ba kongsan jong kane ka MoU ka long ruh kumno ban buh ïa ki kyndon ban pyntreikam ïa ka Management/Leadership Capacity Building Program kaba la pynwandur ban kham pyntbit ha ka jingtip jong ki nongmihkhmat kiba dei na ka Panchayati Raj Institution kiwei kiwei ki ophisar bad kiba kitkam hapoh ka Panchayati Raj ha baroh kawei ka Arunachal Pradesh.
Ka dei ruh ban kham pynkhlaiñ ïa ka jingsynshar ha thaiñ nongkyndong bad jinglong nongïalam ha ki shnong ki thaw na ka bynta ban wanrah ïa ka roi ka kiew kaba neh ha baroh kawei ka Jylla Arunachal Pradesh.
