Shillong, Nailar:
Ki shipai Border Security Force (BSF) ki la ïoh ban bat noh ïa ki 3 ngut suba nongkhaïi tuh bad la ïoh ruh ban kurup ïa ka shini haduh 1000 kilo na ki thaiñ khappud ha South Garo Hills.
Kane ka jingïoh bat ka la long ha shwa ba kin ïoh ban khaïi tuh ïa kane ka shini sha Bangladesh. Ïa kane jingkhynra ki shipai BSF ki la pynlong ha ka Lah Sngi U Blei bad la ong ba kine baroh 3 ngut kiba la shah kem ki dei ki nong India.
Ka jingpynlong jingkhynra jong ki shipai na ka 181 Battalion jong ka BSF Meghalaya ka la long hadien ba uwei na ki shipai ba pahara ha khappud u la ïohi ïa ka ïaid ka ïeng jong kitei ki briew ha thaiñ khappud kaba la pynsuba sniew. Haba ki BSF ki la pynsangeh ïa ka kali jong ki bad talasi, la lap ïa ka shini kaba la thep bha bad tap da u shyiap najrong.
Na ka liang jong ki BSF ki la ong ba u nongñiah kali ryngkat u nongbud kim shym la lah ban pyni ïa ki kot ki sla kiba donkam ba ïadei bad kane ka shini kaba ki la kit.
Ïa kine ki briew bad ïa ka shini kaba la ïoh ban kurup la aiti sha ki briew ka tnat Custom kaba don ha Dalu na ka bynta ba kin leh ïa kaba donkam.
