Khliehriat, Nailar 18
Hadien hynñiew snem ka jingshah shitom bad jinglut ka pisa ka pilaiñ na ka bynta ban thied umbam um dih, ki nongshong shnong jong ka Shnong Ratacherra kaba hap haka khappud Assam-Meghalaya ki la pynpaw ïa ka jingkmen kaba khraw halor ka jingseisoh jong ka jingpyntreikam ïa ka skhim Jal Jeevan Mission (JJM) ba la bei tyngka da ka Sorkar Kmie namar mynta ka umbam-umdih ka long kaba pahuh pahai bad kaba poi ha man ka thliew ïing.
Ïa ka skhim JJM ha Shnong Ratacherra, East Jaiñtia Hills District la pyntreikam hapoh ka kyrteng Ratacherra Water Supply Scheme (WSS) Mission ha ka jinglut kaba kot `5, 54,32,300.00.
La sdang pyntrei ïa kane ka projek ha u bnai Nohprah (December) 2022 bad la pyndep pat ïa ka hapoh Shisnem Phra bnai da ka jingthmu ban pynbiang ka umbam umdih man ka sngi sha ki 400 tam tylli ki longïing jong ka shnong Ratacherra.
Ïa ka um la tan na ka tyllong kaba tip kum ka Karia kaba jngai 16-kilometre na ka shnong Ratacherra.
