Shillong, Nailar:
Ha ka sngi rakhe ïa ka jingdap 78 snem ka jinglaitluid ka ri, u Ashishkumar Chauhan, MD bad CEO jong ka National Stock Exchange (NSE), u la ban ïa ka mat jingïakren kaba ïadei bad ka kamram jong ka shnat treikam jong u ban kynriew ïa ka ïoh ka kot jong ka ri bad ha kajuh ka por ïa ka jingïada ïa ki nongbei tyngka. U Chauhan u la kynmaw burom ïa ka jingaiti jong ki nongïakhun laitluid, da kaba u la kynmaw ruh shaphang ka jingïohi jngai jong ki ban kyntiew ïa ka ri bad pynlong ïa ka ri kaba roi bad kaba jop.
Ha ka jingkren jong u, u Chauhan u lah ong, “Ha kane ka jingrakhe jong ka jingdap 78 snem ka jinglaitluid ka ri, to ngin ïa kynmaw ïa ki jingaiti jong ki nongïakhun laitluid kiba la ïohi jngai ïa ka ri kaba roi bad kaba jop. Kum ka shnat kaba long u phliah uban kyntiew ïa ka roi ka par ha India nalor ka jinglong kum ka shnat kaba pynbeit ïa ki kam kiba ïadei bad ka khaïi pateng, ngi aiti lut ban tei ïa ka ri kaba khlaiñ bad kaba kynthup lang ïa baroh. Ka NSE kan nang ïai bteng ban pynheh ïa ki ïew kaba ïadei bad ka jingpynsaphriang jingtip ïa ki nongbei tyngka bad ai jingïada ïa ki ha ka jingpyrshang jong ka ban tei ïa ka ri ha ka rukom kaba ïaineh.”
