Shillong, Nailar 18
Ka samla Angelia N. Marweiñ kan leit ban mihkhmat ïa ka Jylla sha ka rynsan ïakop thei bhabriew ‘Femina Miss India, 2024’.
Kane ka samla ka dei kaba dang pule ïa ka ‘Master’s Degree’ ha ka sobjek Political Science.
Ïa mynta, ka synñiang la ki sap ki phong sha ka ‘Earmacs’, ka Society kaba khmih ban pynïaid ïew ïa ki mar jong ki nongrep bad ban kyrshan ïa ki imlang-sahlang ha ki nongkyndong.
Ka samla Angelia ka dei ruh ka samla kaba smat bha ha ki kam ‘River Rafting’ bad ‘Cliff Diving’, ‘Trekking’ bad ban leit shang kai sha ki kshaid ki wah. Ka ju sngewtynnad ruh ban shad bad ïashim bynta ha ka put ka tem.
