Shillong, Nailar:
Ka Synjuk ki samla ka seng khasi ri raid Laban ka pyntip sha baroh ki khun samla jong ka seng khasi ri raid Laban, ba ka Dorbah Bah jong ki samla kan long ha ka 25 tarik, Nailar, 2024 ha ïing seng khasi ri raid Laban Lumshatsngi, ha ka por 1 baje nohphai sngi. Ha kane ka sngi ki samla kin ïoh ïa ka kaiphot na ka synjuk jong baroh ki shnat treikam kiba hap hapoh ka jingpynïaid ka synjuk, bad kane ka Dorbar ka dei ka dorbar bah kaba 9 jong ka synjuk ban ïoh ban jied ïa ki nongkitiam kiba thymmai jong ka kynhun.
U President ba mynta jong ka synjuk u Rgh Skhemborlang Kharmawphlang ha kane ka dorbar u la pynpaw ba yn pynbna shongthait noh na ka kam President bad yn aiti noh ha kiwei ki ban bteng ïa ka kam nongïalam ba hakhmat, u dei ruh u President uba nyngkong ba na ki 9 tylli ki Dorbar bah 3 sien u la shah jied kum u nongïalam, u Rgh Skhemborlang Kharmawphlang u kitbok ba kiwei ruh ki pynskhem ïa ka synjuk khnang ba ka deiti tynrai jong ka jaitbynriew kan neh, kan im, kan roi, kan par ba ki pateng ki ban dang wan kin lait na ka shah ïalam bakla.
U la ong “”Nga sngew shibun u synñiang nga la noh sha ka synjuk ban ïalam ïa ki khun samla jong ka lynti tip briew tipblei ban rah ïa ka akor ka burom jong ka kynhun, nga ai khublei ruh ïa ki samla kiba la ai ka jingshaniah ha nga ha ki por ba la leit kum u nongïalam.” Kyntang ïawai u President ba mynta u kyrpad ruh ba ha kane ka dorbah bah ki khun samla jong ka seng khasi ri raid Laban kin ïamih ryntih ban leit sha kane ka dorbar jong ka synjuk katkum ka por ba la pynbna
