Khliehriat, Nailar 19
Ki VDP jong ka shnong Lamyrsiang ha East Jaiñtia Hills ki la lap ïa ka met ïap jong uwei u rangbah kaba per ha sla um ha wah Shka Larsing.
Katkum ka khubor na ki pulit la ïathuh ba ki la ïoh jingtip halor kane ka jingjia ha ka por 12 baje tam mynsngi bad mar mar ki la hiar sha katei ka jaka ban pynlong ka jingtohkit. Ha ka jingtohkit, ki pulit kila lap ba une u rangbah u dei uba la tip kyrteng kum u Nestoss Pala ba la 75 snem na ka shnong Lamyrsiang. Ki pulit kila pyndep ïa baroh ki jingdonkam katkum ka aiñ bad na ka liang ki bahaïing ki la kyrpad ban pyllait noh ïa ka ‘post mortem’ namar bym don kano kano ka jingsuba sniew.
