Jowai, Nailar 19
U MDC ka JHADC U Bah Awhai Andrew Shullai u la iehnoh na ka seng All India Trinamool Congress (AITC).
Ha ka shithi iehnoh kam kaba u la phah sha u President ka Meghalaya All India Trinamool Congress, Bah Charles Pyngrope, u Bah Andrew u la pyntip ba u la iehnoh mardor ïa ka jinglong dkhot na ka AITC.
“Nga ai khublei ïa phi ba phi la ailad ïa nga ban don bynta bad ka seng, khamtam eh ïa ka jingkyrshan kaba nga ïoh ha ka ilekshon Assembly kaba la dep,” la ong u Bah Andrew ha ka shithi iehnoh kam.
Lah ban pynkynmaw ba u Bah Andrew u la jop nyngkong ïa ka ilekshon MDC na ka Congress, bad ha ka sien kaba ar kaba u la jop ruh ka dei na ka Congress ha u snem 2019.
