Shillong, Nailar 20
Ka tnad Election ka Jylla Meghalaya kala pyntip ba ïa ka ilekshon shiteng samoi ha Gambegre Konstitwensi, dei ban pynlong noh hapoh jong ka 4 tarik Nohprah, 2024.
Lah ban pynkynmaw ba ka jingthylli noh jong ka Gambegre konstitwensi ka la long hadien ka jingiehnoh kam jong u Saleng A Sangma na ka shuki MLA hadien ba u la shah jied kum u MP ka Lok Sabha na Tura Parliamentary Konstitwensi.
Na ka liang jong u Chief Electoral Officer (CEO) ka Meghalaya u Dr BDR Tiwari u la ïathuh ba na ka liang jong ka tnat ka la ïaid shakhmat ban pynkhreh kumba dei ban long katkum ki kyndon jong ka Election Commission ka ri India.
U Dr Tiwari ula pynpaw ruh ba ka ECI kala dep lum ïa ka jingïalang lyngba myn ha ka sngi Ba-Ar bad ki tnat Election jong ki Jylla bapher bapher.
