Resubelpara, Nailar:
Ki nongshong shnong ka North Garo Hills (NGH) mynta ki la lah ban pynhiar mynsiem hadien ba ka surok ba dang dep shna thymmai hapdeng jong ki shnong Damra (Assam) bad Bajengdoba (Meghalaya) ka la pynsuk shi kat dei bad pynduna ïa ka leit ka wan jong ki paidbah.
Ka surok kaba la jan dep pura lait noh katto-katne ki jingkieng pynïasoh, la shna da ka Badri Rai and Company (BRC) bad da kaba shu peit ïa ka rukom shna, la khmih lynti ba kan shan slem ban ïa kiwei pat ki rukom shna ïa kane kajuh hi ka surok – kaba bun kaba la julor noh mar syn dep siang ïa ka.
Ka jingjrong jong ka surok ka long 36 km bad la shna ha ka jinglut kaba palat ?78 klur, lait noh ki jingkieng.
“Ka surok ka long kaba sohsat shisha ban ïaid lyngba ha ryngkat ki thliew ba heh. Ngi ju shim por jan 1.5 kynta ban leit na Damra sha Bajengdoba lada phi lah ban shah. Namar ka jinglong lum, ka long kaba eh ban sam lyngba, hynrei kane ka long mynshuwa. Kiba bun nga ngi, ki la lah ban poi tang hapoh kumba 45-50 minit. Ngi shu kyrmen ba u kontraktor um shym la ïapeiñ halor ka jinglong-jingman bad ba ngi lah ban pyndonkam ïa ka surok na bynta katto-katne snem,” ong u nongshong shnong ka North Garo Hills (NGH), u M.G. Momin.
Ïa ka surok Damra – Bajengdoba, la sdang ha u snem 2020 bad hashuwa, la wan ki jingeh mar-mar hadien ba u kontraktor u la sdang pyntrei ïa ka.
“Ym kum ha Khasi – Jaiñita,ka Ri-lum Garo kam da don than ïa ki mar ha ka jaka kiba lah ban pyndonkam ban shna ïa ka surok (shyiap-um, maw). Kumta, kane ka mut ba ka jingpynpoi ïa kine ki mar ka buh jingeh ban sdang ïa kano-kano ka projek. Ngi la ïakhun ïa kane shi snem shiteng ha u snem banyngkong hashuwa ban lah pynïeng ïa ka par na kaba ngi pynbiang ïa ki mar jong ngi,” ong ka tyllong khubor na ka kompeni.
Ka la don ka jingpynslem ha kaba sdang naba ka kompeni ka la pyrshang ïaid shakhmat bad kaei kaba dei ban leh – kaba la pynlong ïa kiba bun ban buh jingkylli ïa ka jingthmu jong ka kompeni bad ka jingpynjlan ka Sorkar Jylla.
“Mar syn pybeit ïa kane, ngi la pyntrei ïa kane ka surok ha ka rukom kaba paka bad ki dak ki paw shynna. Ka surok ka la shah ïa kawei ka aïom slap khlem kano-kano ka dak or ha ka bad kane ka long ka sakhi ïa ka jingminot jong ngi. Lait noh ki jinglynshop mariang, ngi kyrmen ba ka surok kan neh slem bad kan pynlong ïa ka leit ka wan kaba suk ïa ki nongleit-nongwan,” bynrap ka tyllong khubor.
Ka jingaiti pura ïa ka surok la khmih lynti ba yn sa pyndep noh shen, ong ki tyllong khubor ka BRC.
