Shillong, Nailar 26
Ka [24]7.ai, kawei na ki lad ai jingshakri lyngba ki kor ki bor bad kiba ïarap ïa kiba thied ba pet, dang shen ka la shim ar tylli ki sienjam kiba dei ha ka jingai jingshakri sha ka imlang sahlang.
Ha ryngkat ka jingthrang ban ïatreilang lang ha ki kam shnong kam thaw ban shakri ïa ki riewpaidbah, ka kompani ka la pynlong ïa ka jingrakhe Independence Day ha Thomas Orphanage bad ka prokram synñiang snam. Kine ki sienjam ki pynphalang ïa ki jingpyrshang ka [24]7.ai ban wanrah ka jingkylla ha ka jingim kiba dei hok ban ïoh ki jingïarap.
Kum shi bynta ha kaba shim ïa kine ar tylli ki sienjam treikam, ki nongtrei (volunteer) na ka [24]7.ai, ki la leit jngoh ïa ka Thomas Orphanage, ha kaba ki la pynlong ki kam pynbyrngia bad ki kam ban kyntiew ïa ka pule puthi na ka bynta ki khynnah khunswet.
Kine ki kam ki kynthup ïa ki jingïakren halor ka jingdonkam ban rakhe Independence Day, ki jingshad, ki jingrwai ha kaba baroh ki thew sha ka jingïatylli ha ka imlang sahlang bad ka jingieid la ka Ri. La sam ruh ki jingai sngewbha kiba don jingmut, kynthup ki tiar skul bad ki jingïalehkai. Kane ka prokram ka la wanrah ban pynkynmaw ha ka jingmut ki samla ia ka phang ban synñiang kylla.
Nalor kane, ka [24]7.ai ka la pynlong ïa ka prokram synñiang bad ai snam ha ki sngi sdang jong u bnai ba mynta. Ha kane ka prokram la sakhi ïa ka jingwan ïa shim bynta bad synñiang da ki nongtrei kiba bun ngut.
Kane ka prokram ka pyni ïa ka jinglong skhem ka kompani ban synñiang sha ka imlang sahlang na ka koit ka khiah. Da kaba pyrshang ïa kine ki kam, ka [24]7.ai ka bteng ban bat la ki kular ban ai ïarap kylliang sha ki nongshong shnong.
Kine ki kam ki dei shi bynta ki sienjam na ka Corporate Social Responsibility (CSR) Volunteering Initiatives ka [24]7.ai. Nalor kane, ka College ka kyrshan ïa ka Project Nirmalya, kaba thmu ban ai ki lad jingïarap ban wanrah ka khuid ka suba sha baroh ki skul sorkar ha ka Jylla.
Shuh shuh, ka [24]7.ai ka tyrwa bai bam (scholarship) sha ki khynnah pule kiba wan na ki longïing ba duna ka ïoh ka kot ba kin bteng jingpule bad ban lait na ka jingpep skul shiteng por. Kine ki sienjam ki kdew shai ia ki jingthmu ka kompani ban kyntiew ïa ka rukom im bad wanrah ka jingkiew ha ka imlang sahlang kaba ki shakri.
