Shillong, Nailar 27
Kawei ka samla ba la 23 snem ka rta ïa kaba la tip kyrteng kum ka Bharoti Pakynteiñ, bad ïa kaba la ju khot ruh da ka Maimai lane Riya, ka la jah na Ladrymbai Lelad, East Jaiñtia Hills District, naduh ka 17 tarik Nailar ha ka por 11 baje mynstep.
Ka Bharoti ka dei ka khun jong ka Kong Jon Pakynteiñ kaba shong ba sah ha Ladrymbai Datsympeiñ. Ha kaba ïadei bad ka jingjah jong kane ka samla, ka kmie jong ka, ka la leit ban ai da ka jingujor sha Women’s Police Station ha Khliehriat ha ka 20 tarik Nailar. La ong ba watla ki la pyrshang ban wad ïa kane ka samla, hynrei ki khlem pat lap dien satia.
